Prezidentimiz Islom Karimov tomonidan har yili bayram arafasida qabul qilinadigan “Ikkinchi jahon urushi qatnashchilarini rag‘batlantirish to‘g‘risida”gi Farmoni, qolaversa, 2015 yilni “Keksalarni e’zozlash yili” deb e’lon qilinishi urushda halok bo‘lgan yurtdoshlarimiz xotirasiga, olovli jangohlardan omon qaytgan bobolarimizga, og‘ir kunlarni sabr-bardosh bilan engib o‘tgan momolarimizga ko‘rsatilayotgan ehtiromning yana bir yorqin ifodasidir. Davlatimizda olib borilayotgan bu kabi xayrli ishlar har birimizni bugun oramizda umrguzaronlik qilayotgan faxriylarimizning hayotini mazmunli qilishga, ularning umrlarini uzaytirishga qo‘limizdan kelgancha o‘z hissamizni qo‘shishga, ularga nafaqat mana shu bayram arafasida, balki har kuni, har soatda g‘amxo‘rlik va mehribonlik ko‘rsatishga chorlab kelmoqda.